Эгограм тестийн үр дүн
Олон давуу талтай хэв шинж
Өөрийн гэсэн давуу тал нь хэтэрхий олон тул алийг нь түрүүлж гаргаж тавихаа ч эргэлзэхээр хэв шинж юм. Сэтгэлийн энерги хүчтэй, урагшлуулах хүч ч ихтэй учраас зорьчихвол юуг ч хийж чадах юм шиг харагдана. Идеал, хариуцлага, зарчимч байдал, хүн чанар, ухаан, оюун, чөлөөтэй сэтгэлээ илэрхийлэх чадвар гээд бараг бүх шинж нь элбэг. Гэхдээ асуудал нь энэ олон энерги толгойд нь нэг дор хутгалдан орсноор юунд төвлөрч хөдлөхөө өөрөө ч будилж болдогт оршино. Ийм төрх олон авьяастай хүмүүст элбэг харагддаг бөгөөд буруугаар эргэвэл их авьяастай хэрнээ аль нэгийг нь тодорхой үр дүнд хүргэж чадахгүй үлдэх магадлалтай.
Хайрт, хань - Нөгөө тал эрэгтэй ч бай эмэгтэй ч бай, хэрэв та маш энгийн хэв шинжийн хүн бол өөрөө зууралдах эсвэл араас нь чирэгдэх харилцаа болох нь амархан. Харилцагч - Үг яриа сайтай, арга мэх ч чадварлаг хүн. Анхаарал алдвэл нөгөө талын хэмнэлд автаж, чигээ алдах амархан. Дарга - Юуг ч уртаар тайлбарлаж заавар өгдөг хэв шинж. Дагахад хэцүү байж болох ч, болохгүй зүйлийг бариад цаг үрдэг хүн биш гэдгээрээ бодсоноос илүү ажиллахад эвтэйхэн байж магадгүй. Хамтрагч, доод ажилтан - Өөртөө итгэлтэй, ирээдүйтэй байгууллагын дайчин гэж үзэж болох хүн. Гэхдээ компанийн ирээдүй бүрхэг гэж дүгнэх юм бол харамсахгүй орхиод явж ч мэднэ.